Haqqımızda
Köhnə adətin rəqəmsal davamı
Bir adətin necə platformaya çevrildiyini və hansı prinsiplərə söykəndiyini danışırıq.
Uzun illər çörəkxanalarda sadə bir adət yaşayıb: adam öz çörəyini alanda bir çörək də «asqıda» qoyub gedirdi. Sonra ehtiyacı olan biri gəlib «asqıda çörək varmı?» deyə soruşurdu. Kimin qoyduğu bilinmirdi, kimin götürdüyü də.
Adımız süfrənin ortasındakı sinidən gəlir. Sini hamınındır: ondan hər kəs götürür, kimin nə qoyduğu soruşulmur. SİNİ bu iki adəti — asqıda çörəyi və ortaq süfrəni — bugünkü şəhərə gətirir.
Sponsor yemək bağışlayır, tələbə partnyor restoranda QR göstərib yeməyini alır. Bir fərqlə: köhnə adətdə bağış izsiz gedirdi, burada isə sponsor öz yeməyinin kimə və nə vaxt çatdığını son manatınadək görür.
Bizim üçün ən vacib şərt budur: kassada dayanan tələbə heç kimə heç nə izah etməsin. Sifariş adi sifariş kimi getsin, ləyaqət yerində qalsın.
Dəyərlərimiz
Dörd prinsip — hər qərarın ölçüsü
Ləyaqət
Kömək alan adam «kömək alan adam» kimi görünməməlidir. Bütün axını bu prinsipə görə qurmuşuq.
Şəffaflıq
Bağışlanan hər yemək sistemdə ayrıca vahiddir: harada, nə vaxt istifadə olunduğu qeydə alınır.
Yerlilik
Pul böyük şəbəkələrə yox, məhəllədəki partnyor restorana gedir — dəstək yerli iqtisadiyyatda qalır.
Etibarlılıq
QR birdəfəlikdir, hər əməliyyat loqlanır, hesabatlar yoxlanıla bilir. Etimad sözlə yox, dataya söykənir.
Bir öyün — başlamaq üçün kifayətdir
Qeydiyyat bir dəqiqə çəkir. İstəsəniz adınızı heç yerdə göstərməyəcəyik.